සිරිල් පොන්නම්පෙරුම
සිරිල් පොන්නම්පෙරුම මහතා 1923 ඔක්තෝබර් 16 වැනිදා ගාල්ලේ උපත ලැබීය. ගාල්ල ශාන්ත ඇලෝසියස් විද්යාලයෙන් සහ මින් අනතුරුව කොළඹ ශාන්ත ජෝශප් විද්යාලයෙන් අධ්‍යාපනය ලැබීය.හෙතෙම ඉන් අනතුරුව මදුරාසි විශ්ව විද්යාලයෙන් දර්ශනවාදය පිළිබඳ ශාස්ත්‍රවේදී උපාධිය ලබා ගත්තේය.1959 දී ලන්ඩන් විශ්වවිද්‍යාලයේ බර්ක්බෙක්හි රසායන විද්‍යා උපාධිය ලෙස ඔහු ලබාගත්තේය. එතුමන් 1962 දී නොබෙල් ත්‍යාගලාභී මහාචාර්ය මෙල්වින් කැල්වින්ගේ උපදෙස් මත බර්ක්ලි හි කැලිෆෝනියා විශ්ව විද්‍යාලයෙහි රසායන විද්‍යා ආචාර්ය උපාධිය හිමි කර ගත්තේය.
1962 දී එක්සත් ජනපදයේ ඇමේස් පර්යේෂණ මධ්‍යස්ථානයේ හා නාසා ආයතනය මගින් ජාතික විද්‍යා ඇකඩමියේ නේවාසික පර්යේෂණ සහායක යන ගෞරවය ඔහුට හිමි විය. 1963 දී ඔහු නාසා අභ්‍යාවකාශ ජෛව විද්‍යා අංශයට එක්වූ අතර එහි රසායනික පරිණාමීය කොට්ඨාශය භාරව කටයුතු කෙරිණි. එහිදී ඇපලෝ ව්‍යාපෘතිය මගින් පෘථිවියට ගෙන එන ලද චන්ද්‍ර පාෂාණ විශ්ලේෂණය සඳහා ප්‍රධාන විමර්ශක ලෙස ඔහුව තෝරාගෙන ඇත.ඉන් අනතුරුව එතුමා වයිකින් හා වොයේජර් වැඩසටහන් වලදී නාසා ආයතනය සමඟ සමීපව සම්බන්ධ වූ අතර අභ්‍යාවකාශ විද්‍යා උපදේශක සභාව සහ නාසා ආයතනයේ ජෛව විද්‍යා උපදේශන කවුන්සිලයේ සාමාජිකත්වය ඔහු වෙත පිරිනැමිණි. සුප්‍රකට ආතර් සී ක්ලාක් මහතා පවසන පරිදි,"ශ්‍රී ලාංකීය සම්භවයක් ඇති අන් කිසිදු විද්‍යාඥයෙක් ඔහු තරම් සුවිශේෂිව ජාත්‍යන්තර ඇගයීමට ලක්ව නැත."එතුමන් විද්‍යාත්මක ප්‍රකාශන 400 කට වඩා වැඩි ගණනක් ඉදිරිපත් කර ඇත. එතුමන්ගේ ඉතා කෙටි ආයු කාලය තුළ එතුමන් විසින් ජාත්‍යන්තරයේ අතිශය කීර්තිමත් ශාස්ත්‍රීය තනතුරු රැසක් හොබවා ඇත.
සරත් ගුණපාල
ශ්‍රී ලංකා රණජන සරත් ගුණපාල මහතා උපත ලැබුවේ කෑගල්ල,යටියන්තොට ප්‍රදේශයේය.ඔහු කොළඹ නාලන්දා විද්‍යාලයේ අධ්‍යාපනය ලැබුවෙකි.(1966 - 1974 / ශ්‍රේණිය 6-12)එතුමාගේ ආචාර්ය උපාධිය 1985 දී පිට්ස්බර්ග් සරසවියෙන්ද, භෞතික විද්යාව සඳහා ශ්‍රාස්ත්‍රපති උපාධිය පිට්ස්බර්ග් සරසවියේ යෙන් සහ භෞතික විද්‍යා විෂයෙන් විද්‍යාවේදී උපාධිය 1979දී ශ්‍රී ලංකාවේ කොළඹ විශ්වවිද්‍යාලයෙන්ද දීද හිමි කර ගෙන ඇත.
ආචාර්ය ගුණපාල 1992 දී AT & T Bell Laboratories හි සේවය කිරීමෙන් පසු නාසා ආයතනයට එක් විය. ඔහු ඝන ප්‍රමාණික භෞතික විද්‍යාඥයෙකු, ජේෂ්ඨ පර්යේෂණ විද්‍යාඥයෙකු සහ නාසා ආයතනයේ ජෙට් ප්‍රචාලන විද්‍යාගාරයේ කණ්ඩායම් අධීක්ෂකයෙකි. ඔහු මූලිකවම පර්යේෂණ කරන්නේ ක්වන්ටම් වෙල් ඉන්ෆොරෙඩ් ෆොටෝ ඩිට්ටෙක්ටින් පිළිබදවය. හෙතෙම Quantum Well Infrared Photodetector Technologies LLC හි අධ්‍යක්ෂ මණ්ඩල සාමාජිකයෙක්ද වේ.
චන්ද්‍රා ධර්මවර්ධන
චන්ද්‍රා ධර්මවර්ධන කොළඹදී උපත ලැබීය. ආනන්ද විද්‍යාලයෙහන් අලුත්ගම විද්යාලයෙන් සහ කොළඹ රාජකීය විද්යාලයෙන් අධ්‍යපනය ලැබීය. 1961 දී ලංකා විශ්ව විද්‍යාලයේ විද්‍යාවේදී (ගෞරව) උපාධිය ලබා ගත්තේය. ඔහු කේම්බ්රිජ් සරසවියේ (Corpus Christi College) සිය ආචාර්ය උපාධිය ලබා ගත්තේය.
ඔහු දැනට ඩි මොන්ට්රාල් විශ්ව විද්‍යාලයේ න්‍යායික භෞතික විද්යාව පිළිබඳ මහාචාර්යවරයෙකු ලෙස කටයුතු කරයි. ඔහු දැනට කැනඩාවේ
ජාතික පර්යේෂණ කවුන්සිලයේ ප්‍රධාන පර්යේෂණ විද්‍යාඥයෙකු ලෙසද කටයුතු කරයි. ක්වොන්ටම් සිද්ධාන්ත, සංඛ්‍යානමය යන්ත්‍ර විද්‍යා සහ ඝන ප්‍රමාණ භෞතික විද්යාව රාමන් විසිර යාම, බලශක්ති ලිහිල්කරණය සහ නිතිනි ව්‍යුහ, ප්‍රෝටෝන, ක්වොන්ටම් හෝල් ආචරණය, නැනෝටියුබ් සහ ගැෆීන භෞතික විද්යාව යන අංශ පිළිබඳ විව්ධ මාතෘකා ඔස්සේ ක්‍රියා කරයි.ක්වොන්ටම් පද්ධති සඳහා ශාස්ත්‍රීය සිතියම් ක්‍රමයක් ඉදි කිරීමේ ඔහුගේ කාර්යයන්, අතිශය වැදගත් කාර්යයක් වන අතර එය ශාස්ත්‍රීය සිතියම් අධි-දැල්වූ දාම ක්‍රමය (CHNC) සැකසීම සඳහා මග පාදයි. මෙම ක්‍රමය Fermi ද්‍රව වල ගුණය හා උණුසුම් ඝන පහුර්ථයන්හි ගුණ විශ්ලේෂණය සඳහා නව ප්‍රවිෂ්ටයක් සඳහා මුල් වී තිබේ. වර්ෂ 2013 දී බර්ල්ඩ් සයන්ටිෆික් විසින් ප්‍රකාශයට පත් කරන ලද " පදාර්ථය සහ මනස භෞතික විද්‍යාඥයෙකුගේ ඇසින්"( A Physicist's View of Matter and Mind) නමැති භෞතික විද්යාව පිළිබඳ ග්‍රන්ථය ඔහුගේ වඩාත්ම මෑත කෘතිය වේ.
චන්ද්‍ර වික්රමසිංහ
නලින් චන්ද්‍ර වික්රමසිංහ (උපත 20 ජනවාරි 1939,) ශ්‍රී ලාකික සම්භවයක් ඇති කොළඹ දී උපත ලැබූ බ්‍රිතාන්‍ය ජාතික ගණිතඥයකු, තාරකා විද්‍යාඥයෙකු සහ තාරකා ජීව විද්‍යාඥයෙකි. ඔහු කොළඹ රාජකීය විද්‍යාලයේ අධ්‍යාපනය ලැබීය. 1960 දී ලංකා විශ්ව විද්යාලයෙන් ගණිතය පිළිබඳ විද්‍යාවේදී ප්‍රථම පංතියේ ගෞරව උපාධිය ලබාගත් ඔහු ත්‍රිත්ව විද්යාලයෙන් සහ කේම්බ්රිජ් විද්යාලයෙන් පිළිවෙලින් ආචාර්ය උපාධිය සහ ScD උපාධිය ලබා ගත්තේය. ඔහුගේ පර්යේෂණ කටයුතුවලට අයත් වන්නේ අන්තර්අන්‍යොන්‍ය රාශි, අධෝරක්ත තාරකා විද්යාව, සැහැල්ලු විසිරුම් සිද්ධාන්තය, තාරකා විද්‍යාවෙහි ඝනතත්ව භෞතික විද්‍යා යෙදවුම්, තාරකා විද්යාව, පැරණි සෞරග්‍රහ මණ්ඩලය, වල්ගාතරු, තාරකා රසායන විද්යාව, ජීවයේ මූලාරම්භය සහ තාරකා ජෛව විද්යාව යන යනාදියයි.
වික්රමසිංහ විසින් 1967 දී තාරකා අතර පවතින දූවිලි පිලිබඳ පළමුවන නිශ්චිත ග්‍රන්ථය ප්‍රකාශයට පත් කරන ලදී. ඔහු විසින් මෙම ක්ෂේත්‍රයට බොහෝ දායකත්වයක් ලබා දී ඇති අතර සමාලෝචිත ජර්නලයන්හි 350කට අධික සංඛ්‍යාවක් ස්වභාවධර්මය පිළිබඳව පළකර ඇත. ෆ්රෙඩ් හෝයිල් සහ වික්රමසිංහ (ෆ්රෙඩ් හොයිල්ගේ ශිෂ්‍යයෙකු හා සහායකයකු ලෙස) විසින් හරභෞම ජීවී ආකාර පෘථිවියේ වායුගෝලයට ඇතුළු වීම හරහා, වසංගත රෝග පැතිරීම, නව රෝග සහ ජානමය වෙනස්වීම් වැනි සංසිද්ධි හටගන්නා බවට අදහසක් ඉදිරිපත් කර ඇත.
පෝල්ස් එඩ්වඩ් පීරිස් දැරණියගල
එඩ්වඩ් පීරිස් දැරණියගල 1900 වසරේදී කොළඹ දී උපත ලැබීය. ඔහු සත්ව විද්‍යාඥයෙක්, පාෂාණිධාතු විද්‍යාඥයෙක් මෙන්ම කලාකරුවෙකි. ඔහු කේම්බ්‍රිරිජ් විශ්ව විද්යාලයෙන් ශාස්ත්‍රවේදී සහ ශාස්ත්‍රපති උපාධිය ලබා ගෙන 1924 දී හාවඩ් සරසවියේ තවත් ශාස්ත්‍රපති උපාධියක් ලබා ගත්තේය. ඉන්දියානු උපමහාද්වීපයේ විසු සත්ව හා මිනිස් ෆොසිල විශේෂඥයා ආචාර්ය දැරණියගල මහතාය. 1939 සිට 1963 දක්වා ලංකා ජාතික කෞතුකාගාරයේ අධ්‍යක්ෂවරයා ලෙස කටයුතු කළ අතර 1961 සිට 1964 දක්වා විද්‍යෝදය විශ්ව විද්‍යාලයේ කලා පීඨයේ පීඨාධිපතිවරයා ද විය.
ඔහුගේ ෆොසිල සහ විශේෂ නිරූපණයන් හරහා ප්‍රාග් ඓතිහාසික බලංගොඩ මානවයා, වඳවී ගිය ශ්‍රී ලාංකික සිංහයා, වඳවී ගිය ශ්‍රී ලාංකික ගවරා, වඳවී ගිය ශ්‍රී ලාංකික හිපපොටේමස් සහ වඳවී ගිය ශ්‍රී ලාංකික රයිනෝසරයා පිලිබඳ සාක්ෂි එතුමන් ලොවට දායාද කර ඇත. චීන කිඹුලෙකු ගෙන් හඳුනාගත් නව ගණයක් ද ප්‍රකාශයට පත් කරන ලද අතර, එතුමන් පර්යේෂණ කල උරග ක්ෂේත්‍ර අතර කටුස්සන් සහ සර්පයින් රාශියක් පිලිබඳ වැදගත් තොරතුරැ රැසක් හෙළි කළේය. 1952-1955 කාලයේ රාජකීය ආසියාතික සංගමයේ ලංකා ශාඛාවේ සභාපතිවරයා වුයේ ආචාර්ය දැරණියගල මහතාය.
මොහාන් මුණසිංහ
නොබෙල් ත්‍යාගය දිනාගත් ප්‍රථම ශ්‍රී ලාංකිකයා මහාචාර්ය මුණසිංහ මහතායි. 2007 වසරේදී නොබෙල් සාම ත්‍යාගයක් ලැබූවේ දේශගුණික විපර්යාස පිළිබඳ අන්තර් රාජ්‍ය මණ්ඩලයේ උප සභාපතිවරයෙකු ලෙසිනි. භෞතික විද්‍යාඥයෙකු, ශාස්ත්‍රඥයෙකු හා ආර්ථික විද්‍යාඥයෙකු වන ඔහු කොළඹ රාජකීය විද්යාලයෙන් ඔහුගේ පාසැල් අධ්‍යාපනය අවසන් කර 1967 වසරේ ඉංජිනේරු විද්යාව පිළිබඳ ගෞරව උපාධියද හා පසුව එක්සත් රාජධානියේ කේම්බ්රිජ් විශ්වවිද්‍යාලයෙන් ඔහුගේ පශ්චාත් උපාධිය ලබා ගත්තේය.
මහාචාර්ය මුණසිංහ මහතා ඇමරිකා එක්සත් ජනපදයේ මැසචුසෙට්ස් තාක්ෂණික විද්‍යාලයේ විදුලිබල ඉංජිනේරු විද්යාව පිළිබඳ ශාස්ත්‍රපති උපාධිය හා වෘත්තියවේදී උපාධිය ද කැනඩාවේ මැක්ගිල් විශ්ව විද්යාලයෙන් ශාස්ත්‍රපති උපාධියක් ලබා ගෙන ඇති අතර කැනඩාවේ කොන්කෝඩියා විශ්ව විද්යාලයෙන් සංවර්ධන ආර්ථික විද්යාව පිළිබඳ ශාස්ත්‍රපති උපාධියක්ද ලබා ඇත. මහාචාර්ය මුණසිංහ, ශාස්ත්‍රීය පොත් සියයකට වඩා වැඩි ගණනක ලිපි පල කල ඇති අතර ඊට අමතරව දේශගුණික විපර්යාස, පරිසරය, තිරසාර සංවර්ධනය, බලශක්තිය, ප්‍රවාහන, නාගරික යටිතල පහසුකම්, ජල සම්පත, විදුලි සංදේශ, පරිභෝජනය හා නිෂ්පාදනය සහ තිරසාර සංවර්ධනය පිළිබඳ විද්‍යාත්මක සඟරා වල තාක්ෂණික පත්‍රිකා 300 ක් පමණ පල කර ඇත.
ඒ.එන්.එස්. කුලසිංහ
කුලසිංහ උපත ලැබුවේ ජාඇල උදම්ම්ට ප්‍රදේශයේය.පළමුව වාද්දුව ඉංග්‍රීසි බාලක විද්යාලයෙන් අධ්‍යාපනය ලැබූ ඔහු පසුව මීගමුව මාරි ස්ටෙලා විද්‍යාලයට ඇතුලත්වූ අතර ඉන් අනතුරුව සිය උසස් අධ්‍යාපන කටයුතු සඳහා කොටහේන සාන්ත බෙනඩික්ට් විද්‍යාලයට ඇතුල් විය. ඔහු ලන්ඩන් විශ්ව විද්‍යාලයේ ඉංජිනේරු විද්යාව පිළිබඳ BSc උපාධිය හැදෑරීම සඳහා ලංකා කාර්මික විද්‍යාලයට ඇතුළත් වූ අතර එහිදී ඔහුට ශ්‍රී චන්ද්‍රසේකර ශිෂත්වය හිමි විය. 1946 දී සිවිල් ඉංජිනේරුවන්ගේ ආයතනයේ (AMICE) ආශ්‍රිත සාමාජිකත්වය ලබා ගත්තේය.
කුලසිංහ මහතා පිරිවැය පිරිමැසුම් තාක්ෂණය, නවීන ඉදි කිරීම් ශිල්ප ක්‍රම සහ ඉංජිනේරු සම්පත් සඳහා තම විශේෂ අවධානය යොමුකළ අතර දේශීය සම්පත් උපයෝගී කරගෙන විශිෂ්ට නිර්මාණ බිහිකර ඇත. පෙරසවි කොන්ක්‍රීට්,පෙරැඳි කොන්ක්‍රීට්, අඩු පිරිවැය සහිත විකල්ප ඉදිකිරීම් අමුද්‍රව්‍ය, ෆෙරෝ සිමෙන්ති බෝට්ටු ගොඩනැඟිලි හා ඉදිකිරීම් වලදී ෂෙල් මෝස්තර ශිල්පයෙහි යෙදීම්වල ඔහුගේ පුරෝගාමී ප්‍රයත්න ශ්‍රී ලංකාවේ ප්‍රධාන ඉංජිනේරු ව්‍යුහයන් කිහිපයක් සඳහා යොදාගනු ලැබ ඇත.
කොත්මලේ මහවැලි මහා සෑය සහ කොළඹ වරායේ බුද්ධ ජයන්ති චෛත්‍යය ඉදිකිරීමට එතුමන් දැනුමින් දායක වූ අතර පොල්ගොල්ල වේල්ල, රාජ්‍ය ඉංජිනේරු සංස්ථා ප්‍රධාන කාර්යාලය සහ කොළඹ ග්‍රහලෝකාගාරය ද කුලසිංහ මහතාගේ විශ්මිත ඉංජිනේරුමය නිර්මාණ වලින් කිහිපයකි.
රේ විජයවර්ධන
දේශමාන්‍ය විද්‍යාජෝති ආචාර්ය පිලිප් රේවත "රේ" විජයවර්ධන මහතා කොළඹදී උපත ලැබීය. ඔහු CMS කාන්තා විද්යාලයෙන් ප්‍රාථමික ගල්කිස්ස ශාන්ත තෝමස් විදුහලෙන් ද්විතියික අධ්‍යාපනයද ලැබුවාය. ඔහු එක්සත් රාජධානියේ කේම්බ්රිජ් සරසවියේ පීටර්හවුස් වෙත ඇතුල් වී ගගනයානා විද්යාව, යාන්ත්‍රික, හා කෘෂිකාර්මික යන ඉංගිනේරු අංශ තුනක් අධ්‍යනය කළ අතර එම්.ඒ. (කැන්ටබ්) උපාධිය ලබාගත්තේය. එක්සත් රාජධානියේ සහ ශ්‍රී ලංකාවේ වරලත් ඉංජිනේරුවරයෙකු ලෙසද ඔහු සුදුසුකම් ලැබීය. ඉන්පසු හාවඩ් ව්‍යාපාර පාසලේ ව්‍යාපාර පරිපාලනය පිළිබඳ පාඨමාලාවක් හැදෑරීය.
ඔහු ඉංජිනේරුවකු, ගුවන්නියමුවකු, නව නිපැයුම්කරු සහ ඔලිම්පික් ක්‍රීඩකයකු විය. එමෙන්ම නිවර්තන කලාපීය ගොවිතැන හා ස්වභාවික සම්පත් කළමනාකරණය පිළිබඳ විශේෂඥයෙකු විය. දියුණු වෙමින් පවතින රටවල කුඩා ගොවීන්ට සහායදීමට ඔහු උපකරණ කිහිපයක්ද නිර්මාණය කළේය. වර්ෂ 1955 දී විජේවර්ධන විසින් නිපදවන ලද රෝද දෙකේ අත් ට්‍රැක්ටරය කුඩා ගොවීන්ගේ වැඩ කටයුතු සඳහා ම තැනු නව නිපැයුමක් විය. හරිත විප්ලවය තුළදී කෘෂි ශ්‍රමය යාන්ත්‍රීකරණය කිරීම සඳහා වූ මුල් උත්සාහය වූ, එය එංගලන්තයේ නොටින්හැම්හි ලෑන්ඩ් මාස්ටර් සමාගම විසින් නිෂ්පාදනය කර ලොව පුරා අලෙවි කරන ලදී.
වී.කේ. සමරනායක
විද්‍යා ජෝති වී.කේ. සමරනායක, MBCS, MCS (SL), FNASSL, MIEEE (1939 – 6 ජුනි 2007) කොළඹදී උපත ලැබුවේ ය. ආනන්ද විද්යාලයෙන් සහ කොළඹ රාජකීය විද්යාලයෙන් අධ්‍යාපනය ලැබීය
ශ්‍රී ලංකාවේ පරිගණක සහ තොරතුරු තාක්ෂණ කර්මාන්තයේ පුරෝගාමිත්වය සහ එහි භාවිතය පුරෝගාමිත්වය හා ශ්‍රී ලංකාවේ තොරතුරු තාක්ෂනයේ පියා ලෙස සැලකේ. ඔහු කොළඹ විශ්ව විද්‍යාලයේ විද්‍යා පීඨයේ හිටපු පීඨාධිපතිවරයෙක් විය. ශ්‍රී ලංකාවේ තොරතුරු තාක්ෂණ සහ තොරතුරු තාක්ෂණ අධ්‍යාපනය දියුණු කිරීම සඳහා මහාචාර්ය සමරනායක ප්‍රධාන කාර්යභාරයක් ඉටු කළේය. ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ (ICTA) සභාපතිවරයා ලෙස ඔහු මිය යන විට ඔහු කොළඹ විශ්ව විද්‍යාලයේ පරිගණක අධ්‍යනනායතනයේ (UCSC) ආරම්භක හා හිටපු අධ්‍යක්ෂකවරයෙකි.
නලින් සමරසිංහ
ආචාර්ය නලීන් සමරසිංහ යනු ඇමරිකා එක්සත් ජනපදයේ වෙසෙන ශ්‍රී ලංකාවේ උපත ලැබූ තාරකා විද්‍යාඥයෙකි. හෙතෙම කොළඹ නාලන්දා විද්‍යාලයේ අධ්‍යපනය ලැබීමෙන් පසු කොළඹ විශ්ව විද්යාලයෙන් භෞතික විද්යාව පිළිබඳ ප්‍රථම පංතියේ ගෞරව උපාධියක් ලබා ගත්තේය. පසුව ඔහු ඇමරිකා එක්සත් ජනපදයේ මරේලන්ඩ් විශ්ව විද්යාලයෙන් තාරකා විද්යාව පිළිබඳ විද්‍යාපති(MSc) උපාධියක් ලබාගත් අතර එය ඇමරිකා එක්සත් ජනපදයේ එම විශ්ව විද්‍යාලයෙන්ම තාරකා විද්‍යා පීඨයේ අචාර්ය උපාධි(PhD) පාඨමාලාවක් හැදෑරීය.
වර්තමානයේ ඔහු ග්‍රහ විද්‍යා ආයතනයේ ජේෂ්ඨ විද්‍යාඥයෙකු ලෙස කටයුතු කරයි. ආචාර්ය සමරසිංහගේ පර්යේෂණ අවශ්‍ය සූර්යා පද්ධතියේ වල්ගා තරු හා අනෙකුත් කුඩා ග්‍රහ වස්තු අධ්‍යයයනය කිරීම කෙරෙහි අවධානය යොමු කර ඇත. ඔහුගේ අධ්‍යයනයන් අතර, වල්ගාතරු න්‍යෂ්ටීන් පිලිබඳ අධ්‍යයනය, සෞරග්‍රහ මණ්ඩලයේ කුඩා කොටස්හි ව්‍යූහාත්මක ගුණාංග, පාර-නෙප්ඤ්ඤුනීය වස්තූන්ගේ භ්‍රමණ හා භෞතික ගුණ සහ භෞතික ග්‍රහ ලක්ෂණ වේ. වර්ෂ 2002 දී අන්තර්ජාතික තාරකා විද්‍යා සංගමය විසින් ලෝරල් නිරීක්ෂණාගාරයේ අස්ටරොයිඩ් අංක 12871 ග්‍රන්ථය (12871) 1998 දී ML37 (12871) සමරසිංහ විසින් සොයා ගන්නා ලදී. මෙහි විශේෂත්වය වන්නේ ශ්‍රී ලංකාවේ උපත ලද පුරවැසියකු ලෙස මුල්ම වරට ආචාර්ය සමරසිංහ මහතා විසින් ඔහුගේ නමින් ග්‍රහකයක් නම් කිරීමේ ගෞරවය ලබා ගැනීමයි.
කීර්ති තෙන්නකෝන්
වේයන්ගොඩ නගරය අසල ශ්‍රී ලංකාවේ ගම්මානයක 1940 දී උපත ලද ඔහුගේ මුල් ළමාවිය ග්‍රාමීය පරිසරය අත්දැකීම් වලින් පරිපූර්ණ විය. වේයන්ගොඩ මධ්‍ය මහා විද්‍යාලයෙහි ප්‍රාථමික අධ්‍යපනය ලබා ගත්තේය.
ඔහුගේ පර්යේෂණ වන්නේ සෛද්ද්ධාන්තික හා පර්යේෂණාත්මක භෞතික විද්යාව, රසායන විද්යාව සහ ජීව විද්‍යාත්මක පද්ධති වල ය. විවිධ විෂය ක්ෂේත්‍ර ගණනාවක් ආවරණය කරමින් ප්‍රකාශන 350 කට අධික ප්‍රමාණයක් ඔහු විසින් රචනා කර ඇත. ඔහු ශ්‍රී ලංකාවේ මූලික අධ්‍යයන පිළිබඳ ආයතනයේ හිටපු අධ්‍යක්ෂකවරයෙකි (දැන් ජාතික මූලික අධ්‍යයන ආයතනය ලෙස නම් කර ඇති) සහ රුහුණු විශ්වවිද්‍යාලයේ භෞතික විද්‍යා අංශයේ ප්‍රථම මහාචාර්යවරයා ලෙස කටයුතු කරයි. ඔහු හවායි විශ්ව විද්‍යාලයේ සෛද්ද්ධාන්තික භෞතික විද්යාව පිළිබඳ ආචාර්ය උපාධියක් ලබා සන්දිප් පැකිවාසාගේ අධීක්ෂණය යටතේ ඔහු නියුට්රිනෝස් පිළිබද පර්යේෂණ වල නිරත වූ අතර තාරකාභෞතික ඇඟවුම් සැලකිල්ලට ගන්නා ලදී. සංඝනිඉභුත ද්‍රව්‍ය භෞතික විද්‍යාවෙහිදී ඔහු විසින් සන්නාය ගුණාංගයන්ගෙන් සමන්විත බොහෝ උපාංගවල වර්තමානයේ භාවිතා වන විනිවිද පෙනෙන p-වර්ගයේ අර්ධ සන්නායකයක් වන කොපර්(1) තියෝසයනේට් තුනී පටල ලෙස භාවිතා කිරීමේ ශිල්පීය ක්‍රම වැඩිදියුණු කරන ලදී. ඩයි සංවේදිත කල ඝන සූර්ය කෝෂයේ සංකල්පය සහ මූලාක්‍රුතියක් හඳුන්වාදීම දිගුකාලීන පර්යේෂණ වලින් ලද ප්‍රථිපලය වේ . ශ්‍රී ලංකා රජය පර්යේෂණ හා අධ්‍යනය සඳහා ඔහුගේ දායකත්වය අගය කරමින් ජාතික ගෞරව සම්මාන දෙකක් (1986 දී "විද්‍යා නිධි" සහ 2005 දී "දේශබන්දු") පිරිනමනු ලැබීය. ගෝලීය මානව ජීවිත හා සමතුලිත පරිසර පද්ධතිවලට තර්ජනයක් වන පාරිසරික පරිහානිය පිළිබඳව 1992 දී ලෝක නායකයින්ට ඉදිරිපත් කරන ලද ලියවිල්ලට අත්සන් තැබූ ඒ පිළිබඳ උනන්දුවක් දක්වන විද්‍යාඥයින්ගෙන් එක් අයෙකි.
බන්දුල විජේ
බන්දුල විජේ ගාල්ලේ උපත ලද්දෙකි. ඉන්දියාවේ කොල්කටාහි ජඩාව්පූර් විශ්ව විද්යාලයෙන් ඉංජිනේරු උපාධි පාඨමාලාව හදාරා ඇත. ඉන් අනතුරුව දකුණු කැලිෆෝනියා විශ්ව විද්‍යාලයේදී ඔහු පශ්චාත්උපාධි දෙකක් සහ රසායන විද්යාව පිළිබඳ ආචාර්ය උපාධියක් ලබා ගත්තේය. ආචාර්ය බන්දුල විඡේ යනු නව නිපයුම්කරුවෙකු, ඉංජිනේරුවෙකු හා ව්‍යාපාරිකයෙකු වන අතර එය ආරක්ෂිත කිරීට බැලූන ඇන්ජියොප්ලාස්ටි (PPTCA) ඇතුළු විවිධ ශල්‍ය කර්ම හා අනෙකුත් වෛද්‍ය උපාංගයන් වැඩිදියුණු කර තිබේ.
1982 සිට අචාර්ය විජේ වෛද්‍ය උපකරණ 28 ක් සඳහා පේටන්ට් බලපත්‍ර ලබා ඇති අතර, ඔහු තවත් පේටන්ට් බලපත්‍ර හතක් ඉදිරියේදී ලබාගැනීමට නියමිතය. " දැන් මගේ ප්‍රධාන අවධානය යුමුවී ඇත්තේ පටක ප්‍රසාරක වැනි ශරීරය තුලට ඇතුළු කරනු ලැබූ උපාය හේතුවෙන් ඇතිවන ආසාදන වළක්වා ගැනීම සහ සිරුරේ කුහර වසා දැමීම සඳහා භාවිතා කළ හැකි ස්ටේන්ටිස් වැඩිදියුණු කිරීමයි." ඔහු පවසයි.
අයි.එම්. ධර්මදාස
පේරාදෙණිය විශ්ව විද්යාලයෙන් රසායන විද්යාව, භෞතික විද්යාව සහ ගණිතය පිළිබඳ ගෞරව ද්විත්ව උපාධියක් ලබා ඇත. 1977 දී පොදු රාජ්‍ය මණ්ඩලීය විවෘත ශිෂ්‍යත්වයක් දිනා ගැනීමෙන් පසු 1980 දී ඩර්හැම් විශ්වවිද්‍යාලයේ ආචාර්ය උපාධි නිබන්ධනය සම්පූර්ණ කළේය.
මහාචාර්ය ධර්මදාස ෂෙෆීල්ඩ් හලම් විශ්ව විද්‍යාලයේ ඉලෙක්ට්‍රොනික ද්‍රව්‍ය හා උපකරණ පිළිබඳ ජේෂ්ඨ මාණ්ඩලික ශ්‍රේණියක මහාචාර්යවරයෙකු වේ. ඉදිරි පරම්පරාවන්ට ගැලපෙන අඩු පිරිවැය සහ ඉහළ කාර්යක්ෂම සූර්ය කෝෂ සංවර්ධනය කිරීම පිළිබඳව ඔහුගේ පර්යේෂණ අවධානය යොමු වී ඇත. කර්මාන්ත හා අධ්‍යයන යන දෙඅංශයේම දශක හතරකට ආසන්න අත්දැකීම් ඔහුට තිබේ. Advances in Thin Film Solar Cells නම් ග්‍රන්ථය ඇතුළත්ව ලිපි 250 කට අධික සංඛ්‍යාවක් ඔහු විසින් ප්‍රකාශයට පත් කර ඇති අතර නව ක්‍රියාවලී සංවර්ධනයන් පදනම් කරගෙන ඔහුට පේටන්ට් බලපත් හයක් හිමිව තිබේ. ප්‍රකාශ වෝල්ටීය සූර්ය කෝෂ වැඩිදියුණු කිරීම සම්බන්ධයෙන් නව විද්‍යාත්මක ආකෘති දෙකක් ඔහු යෝජනා කර ඇත.
ආශා ද වොස්
ආෂා ඩි වොස් යනු ශ්‍රී ලාංකික සාගර ජීව විද්‍යාඥයෙකු, සාගර අධ්‍යපනඥයෙකු වන අතර ඇය ඉන්දියානු සාගරයේ උතුරු ප්‍රදේශයේ නිල් තල්මසුන් පිලිබඳ පර්යේෂණ සිදු කිරීම සඳහා පුරෝගාමී වී ඇත.
ඇයගේ ප්‍රාථමික අධ්‍යපනය කොළඹ කාන්තා විද්‍යාලයන් ලද අතර ප්‍රාථමික අධ්‍යාපනය සම්පූර්ණ කිරීමෙන් පසුව ඇය ස්කොට්ලන්තයේ ශාන්ත ඇන්ඩෲස් සරසවියේ සාගර හා පාරිසරික ජීව විද්‍යාවේදී උපාධි අධ්‍යයන කටයුතු වලට යොමු වුවාය. ඇය ඔක්ස්ෆර්ඩ් සරසවියෙන් ඒකාබද්ධ ජෛව විද්යාව පිලිබඳ පශ්චාත් උපාධිය සම්පුරණ කර ඉන් අනතුරුව බටහිර ඕස්ට්‍රේලියා විශ්ව විද්‍යාලයේ උපාධි අධ්‍යයන අංශයෙන් ජෛව විද්යාව පිළිබඳ අචාර්ය උපාධිය ලබාගත්තාය.
ස්වභාවික සංරක්ෂණය සඳහා වන අන්තර්ජාතික සංගමයේ සමුද්‍රීය හා වෙරළබඩ ඒකකයේ ජේෂ්ඨ වැඩසටහන් නිළධාරියෙකු ලෙස ඇය සේවය කර ඇත. 2008 වසරේදී ශ්‍රී ලංකාවේ නිල් තල්මස් ව්‍යාපෘතිය ආරම්භ කළේ ඇයයි. IUCN විශේෂ ජීවී සංරක්ෂණ කොමිසම හි තල්මසුන් පිළිබඳ විශේෂඥ කණ්ඩායමෙහි ආරාධිත සාමාජිකාවකි. එමෙන්ම ඩියුක් විශ්ව විද්‍යාලයේ, නාවික සංරක්ෂණ ගෝලීය සාමජිකයෙක් සහ ටීඩී ජේෂ්ඨ සාමාජිකයෙක් වන අතර ලෝක ආර්ථික සමුළුව මගින් තරුණ ගෝලීය නායකයෙකු ලෙස තෝරාගෙන ඇත. 2013 දී ඇය විද්‍යාත්මක ප්‍රකාශන සඳහා ජනාධිපති සම්මානය ලබා ගත්තාය.
තිස්ස එච්. ඉලංගසේකර
ආචාර්ය ඉලංගසේකර මහතා විසින් 1971 දීලංකා ලංකා විශ්වවිද්‍යාලයෙන් සිවිල් ඉංජිනේරු විද්‍යාවේදී (ගෞරව) උපාධිය ලබා ගත්තේය. ආසියානු තාක්ෂණ ආයතනයෙන් (1974) සිට ජල විද්යාව හා ජල සම්පත් සංවර්ධනය පිළිබඳ පශ්චාත් උපාධිය ලබාගත්තේය.කොලරාඩෝ රාජ්‍ය විශ්ව විද්යාලයෙන්(1978) සිවිල් ඉංජිනේරු විද්යාව පිළිබඳ ආචාර්ය උපාධියද ස්වීඩනයේ උප්සලා විශ්ව විද්යාලයෙන් විද්යාව හා තාක්ෂණය පිළිබඳ ගෞරව ආචාර්ය උපාධියක් ද ඔහුට පිරිනැමිණි.
ඉලංගසේකරයන්ගේ පර්යේෂණ ක්ෂේත්‍ර අතුරින් ප්‍රධානතම ක්ෂේත්‍රය වන්නේ පාරගම්‍ය සහ භග්න මාධ්‍යවල ප්‍රවාහ හා පරිවහන පිළිබඳ ආදර්ශනය කිරීමයි. එතුමන් විසින් සිදුකළ පර්යේෂණ අතර පසෙහි සන්තෘප්ත සහ අසංතෘප්ත ගලායන සංඛ්‍යාත ආකෘති නිර්මාණයන්, මතුපිට-පස-උපපස අන්තර්ක්‍රියා, ශුෂ්ක-කලාපීය ජල විද්යාව, සංයුක්ත ජල විද්‍යාත්මක ආකෘති නිර්මාණය, හිම තුළ ප්‍රවාහ, ද්‍රවණය වූ අපද්‍රව්‍ය පරිවහනය, පාරිසරික සුපරීක්ෂණයන් සඳහා රැහැන් රහිත සංවේදක ජාලයක් බලශක්ති සංවර්ධනයේ පාරිසරික බලපෑම් ආදිය සුවිශේෂ වේ.
2017 ජනවාරි 18 වනදා ජනාධිපති බරක් ඔබාමා විසින් එක්සත් ජනපද න්‍යෂ්ටික අපද්‍රව්‍ය තාක්ෂණික සමාලෝචන මණ්ඩලයට ආචාර්ය තිස්ස එච්. ඉලංගසේකර මහතා පත් කරන ලදී. ඔහු පරිසර විද්යාව හා ඉංජිනේරු විද්යාව පිළිබඳ සංගමයේ සභාපතිධුරය දරන අතර, යටි පාරිසරික ක්‍රියාවලි අධ්‍යන කේන්ද්‍රයේ සිවිල් ඉංගිනේරු විද්යාව පිලිබඳ මහාචාර්යවරයෙකු සහ එහි අධ්‍යක්ෂකවරයාද වේ.
අරුණ වීරසූරිය
අරුණ වීරසූරිය පී.වී.ඒ.එම්.යු. (ටෙක්සාස් ඒ ඇන්ඩ් එම් විශ්ව විද්‍යාල පද්ධතියේ) හි මහාචාර්යවරයෙක් ලෙස කටයුතු කරන අතර හොංකොං විශ්ව විද්යාලයෙන්, ආචාර්ය උපාධියත් (ශාක පද්ධති විද්යාව) පේරාදෙණිය විශ්වවිද්‍යාලයෙන් විද්‍යාවේදී උපාධියක් (ජීව විද්යාව) ලබා ඇත.
ඔහුගේ විශේෂඥභාවය හා වත්මන් පර්යේෂණ උනන්දුව සපුෂ්පක ශාක වර්ගීකරණය,වංශ ප්‍රවේනි තාක්ෂණ සහ ප්‍රජනක ජීව විද්යාව තුළ පවතී.ශ්‍රී ලංකාව, තායිලන්තය, චීනය සහ මැලේසියාව යන රටවල ඖෂධීය ශාක, ශාක රසායන විද්යාව, උද්‍යාන විද්‍යා, පරිසර විද්‍යා, ආක්‍රමණශීලී බෝග විශේෂ, වල් පැලැටි, ආවේනික මල්වර්ග
අජිත් අමරසේකර
ආචාර්ය අජිත් අමරසේකර මහතා ටී අයි හි අධි සාමාජික සහ TI හි උසස් ක්රියාකාරී ඇනලොග් අංශයේ IEEE අධි සාමාජිකයෙකි.ඔහුගේ පශ්චාත් උපාධිය 1986 දී ලබාගැනීමෙන් පසු පළමු උපමයික්‍රෝන අර්ධසන්නායක සංවර්ධනය සඳහා නෙදර්ලන්තයේ,අයින්ඩ්හවන් ෆිලිප්ස් පර්යේෂණාගාරයේ සේවය කළේය. 1991 දී ඩලාස්වා ඉන්ස්ට්‍රුමන්ට්ස් සමඟ එක්වූ ඔහු, උපාංග සහ පරිපථ ආකෘති නිර්මාණයන් සඳහා VLSI ඩිජිටල් Labs හි ක්රියාකාරී මෙන්ම නව සැකසුම් නිෂ්පන්ද හා පරිපථ නිර්මාණ ශිල්ප ක්‍රමවේදයන් සොයා ගැනීම පිලිබදව කටයුතු කළේය. TI හි රැහැන් රහිත නිෂ්පාදන, ජාල විසඳුම් සහ ඩිජිටල් සංඥා සකසුවන් සඳහා අධිවේගී, ඉහළ දත්ත අනුපාත සහ අතිශය අවම බලශක්ති පරිපථ ශිල්ප ක්‍රම කෙරෙහි අවධානය යොමු කර ඇති අතර, TI සැකසුම් තාක්ෂණයන්හි ක්‍රියාත්මක කරන ලද SPARC ප්‍රොසෙසර නිර්මාණයේදී සන් මයික්‍රෝසිස්ටම්ස් සමඟ කටයුතු කර ඇත.
2008 දී ඔහු TI හි Kilby Research Lab හි ආරම්භක අධ්‍යක්ෂකවරයා බවට පත්විය. නව වෙළඳපල හා තාක්ෂණයන් සඳහා දිගුකාලීන ගවේෂණය හා නවෝත්පාදනය සඳහා පර්යේෂණ ක්‍රියාවලි නිර්මාණය කිරීමට ඔහු සමත් විය. 2012 වසරේදී ඔහු එහි මුලස්ථානය භාර ප්‍රධාන විධායක නිලධාරියා වශයෙන් ඉහළ කාර්යසාධනය සඳහා වූ ප්‍රත්‍යක්ෂ ව්‍යාපාර අංශයට පැමිණියේය. අජිත් අමරසේකර නමට පේටන්ට් බලපත්‍ර 30 ක් නිකුත් කර ඇති අතර, තාක්ෂණික සඟරා සහ සවිද්වත් සමුළු සඳහා ලිපි 100 කට වැඩි ගණනක් මෙන්ම සංයුක්ත පරිපථ පිළිබද තාක්ෂණික ග්‍රන්ථ 4 පළකර ඇත.
සුමේධ ජයසේන
මහාචාර්ය සුමේධ ජයසේන ජෛව රසායනික ක්ෂේත්‍රයේ ලෙහයි විශ්ව විද්යාලයෙන් ආචාර්ය උපාධිය ලබාගත් අතර රසායන විද්යාව පිලිබඳ විද්‍යාවේදී උපාධිය,කොළඹ විශ්වවිද්‍යාලයෙන් ලබා ඇත. ඔහුගේ පාසැල් අධ්‍යාපනය ලැබුවේ නාලන්ද විද්‍යාලයෙනි.
හෙතෙම ජෛවතාක්ෂණික හා ඖෂධීය කර්මාන්තයේ වසර 25 ක් පුරා පුළුල් අත්දැකීම් සහිත ඵලදායී පර්යේෂණ කණ්ඩායම් ගොඩනඟන හා කළමනාකරණය කළ හැකි කළමණාකරුවෙකි. ඔහු චිකිත්සාව සහ රෝග නිර්ණය පිළිබඳව සැලකිය යුතු වාණිජමය බලපෑමක් සිදුකළ හැකි පේටන්ට් බලපත්‍ර 24ක් ලෝක ව්‍යාප්තව නිකුත් කර ඇත. ඔහු ජානවිද්‍යාව, ඔලිග්නියුකියුටෝටයිඩ් චිකිත්සාව සහ රෝග නිර්ණය, ඔක්ටොසොජි, බීමමාර්කර්ස්, ආර්.එන්.ඒ. මැදිහත්වීම් (RNAi) යෙදීම් (siRNA-miRNA-පාදක චිකිත්සාව) ජානමය සංස්කරණය, ප්‍රකාශන සහ IND ඉදිරිපත් කිරීම් වල විශේෂඥතාව ඇත.
ප්‍රීති ගුණරත්න
හියුස්ටන් විශ්ව විද්‍යාලයේ ජෛව විද්‍යා හා ජෛව රසායන විද්‍යා අංශයේ මහාචාර්යවරයා වූ ප්‍රීති ගුණරත්න, NextGen Sequencing Center හි අධ්‍යක්ෂක ලෙසද, මානව ජෙනෝමයේ අනුකණ්ඩය මාධ්‍යස්ථානය (බේලර්-එච්ජීඑස්එස්සී) හා ඩෑන් එල් ඩන්කන් පිළිකා මාධ්‍යස්ථානය, බේලර් වෛද්‍ය විද්‍යාල පිළිකා මර්දන මධ්‍යස්ථානය (BCM) යන තන්හි ද්විත්ව තනතුරුද දරයි. ඇය ලද ආචාර්ය උපාධිය කෝනෙල් සරසවියේ ජාන විද්යාව පිළිබඳව වේ. ආචාර්ය ගුණරත්න දැනට NCI - The Cancer Genome Atlas (TCGA), NHGRI-Zebrafinch සහ Primate Genom Sequencing Consortia පිළිබඳ MicroRNA විශේෂඥයා ලෙස සේවය කරයි. 2000 දී ඇය ජාත්‍යන්තර මානව ජාන ව්‍යාපෘතිය සඳහා (IHGP) සඳහා Baylor-HGSC හි ජාන අනුපිළිවෙලෙහි අධ්‍යක්ෂිකාව ලෙස කටයුතු කරනු ලැබූ අතර ක්ෂීරපායී ජාන ලබාදුන් විශාලතම දායකත්වය ලෙස 15,000 ක අනුක්‍රමයන් ලබා දෙන්නට සමත් වුවාය. 2005 දී ආචාර්ය ගුණරත්න UH හි භෞතික විද්‍යා පර්යේෂණ කටයුතු වලට සම්බන්ධ වූ අතර, පිළිකා, භින්නෝන්මාදය, ඇදුම / COPD / එම්පිසිමාව, වඳුරු විශේෂයක මොළය හා අපරාව පිලිබඳ පර්යේෂණ ප්ලාසන්ටා හා මොළේ උණ සහ කුරුළු උණ සහ කුරුළු විශේෂයන්හි මොළයේ ක්‍රියාකාරිත්වය පිලිබඳ වෛරසය හඳුනා ගැනීමේ සායනික පුහුණු ක්‍රමවේදය නිර්මාණය කරන්නට දායක විය. ආචාර්ය ගුණරත්න විසින් පිළිකා මර්දක MicroRNA සංවර්ධනය කිරීම සඳහා කැපවූ සමාගමක් වන NEXTmiRNA Technologies ආරම්භ කරන ලදී. ආචාර්ය ගුණරත්න යනු එක්සත් ජනපද පේටන්ට් බලපත්‍ර 7 සතු නිර්මාණකරුවකු / සම නිර්මාපකයෙකු වන අතර, “ Frontier in Non Cding RNAs” සඟරාව සඳහා සමාලෝචන සංස්කාරකයෙකු සහ සමාලෝචන පැනල් 10 ක් ඇතුලුව, NIH, ඕස්ට්‍රේලියාවේ ජාතික සෞඛ්‍යය හා වෛද්‍ය පර්යේෂණ සභාව (NHMRC) සහ එක්සත් රාජධානියේ පිළිකා පර්යේෂණආයතනය යනාදිය ඇතුළත් ප්‍රධාන සමාලෝචිත මණ්ඩල 10ක් සඳහාද,ජර්නල 20ක් සඳහාද සමලොචිකාවක් ලෙස ක්‍රියාකරයි
එස්. රවී පී. සිල්වා
ශ්‍රී ලංකාවේ ද්විතීයික අධ්‍යාපනය හමාර කල පසු මහාචාර්ය එස්. රවි පී සිල්වා මහතා කේම්බ්රිජ් විශ්ව විද්‍යාලයේ ඉංජිනේරු උපාධි හා පශ්චාත් උපාධි ඩිප්ලෝමා පාඨමාලාවට සම්බන්ධ විය. හෙතෙම කේම්බ්‍රිජ්හිදී පොදුරාජ්‍ය මණ්ඩලීය භාරයේ ශිෂ්‍යත්වලාභියෙක් වූ අතර කේම්බ්රිජ් හි ක්ලෙයාර් කොලිජියේ හි සාමාජිකයෙක් විය. රවී සිල්වා මහතා උසස් තාක්ෂණ ආයතනයේ (ATI) අධ්‍යක්ෂක ලෙස කටයුතු කරමින් සහ නිතිනි ඉලෙක්ට්‍රෝනික මාධ්‍යස්ථානයේ (NEC) ප්‍රධානී ලෙස අන්තර් ක්‍රියාකාරි පර්යේෂණ කටයුතු වල නිරත වේ.
ඔහුගේ පර්යේෂණ කටයුතු මානව වර්ගයාගේ උන්නතිය පිණිස වන පුළුල් විෂය පරාසයක ක්‍රියාකාරකම් ලෙස හඳුනාගත හැකි වේ. නැනෝ තාක්ෂණික හා පුනර්ජනනීය සූර්ය කෝෂ, බලශක්ති ද්‍රව්‍ය, කාබන් ඉලෙක්ට්‍රොනික, ට්‍රාන්සිස්ටර් නිර්මාණ සහ සමාකරණය, OPV, OLEDs, CNT, ගැෆීන්, SGT, CFRP, DLC, නිතිනි-ජෛව තාක්ෂණික, නිතිනි කාබන් , නිතිනි තාක්ෂණය, ජල තාක්ෂණය, විස්තීර්ණ ඉලෙක්ට්‍රොනික උපකරණ, ඉලෙක්ට්‍රොනික සහ ප්‍රකාශ උපාංග. ඔහුගේ පර්යේෂණ සොයා ගැනීම් ජාත්‍යන්තර සම්මත්‍රණ 600 කට වැඩි ගණනක් සහ ජර්නල් 550 කට වැඩි ගණනක්, උපුටා දැක්වීම් 15,000 ක් (ගූගල් ස්කොලර්) සහ ගූගල් එච්-ෆැක්ටර් 64 ක් සඳහා ඉදිරිපත් කර ඇත.
2003 දී EPSRC Portfolio සම්මානය ලෙස පවුම් මිලි.6.68 ක් මහාචාර්ය සිල්වා සහ ඔහුගේ කණ්ඩායමේ සංයුත ඉලෙක්ට්‍රොනික සොයාගැනීම සඳහා ප්‍රදානය කරන ලදී. 2004 දී ශ්‍රී ලංකා විද්‍යාභිවර්ධන සංගමයේ පර්යේෂණ සඳහා නැනෝ ඉලෙක්ට්‍රෝනික මාධ්‍යස්ථානයක් පිහිටුවීමට පවුම් මිලි.4 ක SRIF සම්මානය ප්‍රදානය කරන ලදී. EU sensation EU සහ Carbio වැඩසටහන හරහා නිතිනි -ජීව ක්‍රියාකාරකම් වැඩිදියුණු කිරීම සඳහා අවසර ලබා දී ඇත. වර්ෂ 2016 දී නිතිනිතාක්ෂණික ක්ෂේත්‍රයේ සිදුකළ බොහෝ දායකත්වයන් උදෙසා ඔහු වෙත ශ්‍රී ලංකා රජයේජනාධිපති සම්මානය ප්‍රධානය කරන ලදී. 2016 දී ඔහු චීනයේ ඩාලියන් ටෙක්නොලොජි විශ්ව විද්‍යාලයේ බාහිර මහාචාර්යවරයෙකු ලෙස තේරී පත් විය. 2017 අප්‍රේල් මාසයේදී ඔහු චීනයේ චීනයේ ෂෙන්ෂුෂුඩ් ද්‍රව්‍ය ජෙනෝමා ආයතනයේ (ZMGI) හි ගරු අධ්‍යක්ෂවරයා ලෙස පත් කෙරිණි.