සමාජය උදෙසා විද්‍යා හා තාක්ෂණ සම්මන්ත්‍රණය

2016 සැප්තැම්බර් මස 08 වන දින සිට 10 වැනි දින දක්වා මෙම සම්මන්ත්‍රණය කොළඹදී පැවැත්වූ අතර, එහි සමාරම්භක සැප්තැම්බර් 7 වනදා පවත්වන ලදී.

මෙම සම්මන්ත්‍රණය පැවැත්වීමේ මූලික අරමුණ වනුයේ ගෝලීය විද්‍යාව හා තාක්ෂණික වර්ධනයන් හරහා ශ්‍රී ලාංකීය සමාජය වෙත ප්‍රතිලාභ අත්කරගැනීම සඳහා ඇති ඉඩප්‍රස්ථා ගවේෂණය කිරීමයි. ශ්‍රී ලාංකීය සමාජයේ විද්‍යාව හා තාක්ෂණය පිළිබඳ කාර්යභාරය පිළිබඳව සාකච්ඡා කිරීම හා අපේ සමාජය තුළ විද්‍යාව හා තාක්ෂණය යොදා ගැනීමේ බාධක විශ්ලේෂණය කිරීමද මේ හරහා අපේක්ෂිතය. මෙම සංසදයේ දී තිරසාර සංවර්ධන අරමුණු හා සමගාමීව මාතෘකා සාකච්ඡා කරන ලද අතර පුරවැසි විද්‍යා, දියුණු තාක්ෂණය පදනම් වූ විසඳුම්, මූලික විද්‍යා, විද්‍යාත්මක තාක්ෂණ නවෝත්පාදන, විද්‍යාත්මක හා තාක්ෂණ අරමුදල් සහ ශ්‍රී ලාංකේය නවෝත්පාදන වේදිකාව ඒ සඳහා ඇතුලත් විණි.

ජපානයේ STS සංසදයේ සභාපති ඇතුළු ප්‍රමුඛ ජාත්‍යන්තර විශේෂඥයින් හා සංවිධානවල සංසඳයට සහභාගී විය. ආසියානු හා පැසිෆික් කලාපයේ ආර්ථික හා සමාජ කොමිසමේ නිලධාරීන් (ESCAP); යුනෙස්කෝ, සර්න් ආදී සංවිධාන වල නිලධාරීන් මෙම සම්මන්ත්‍රණය සඳහා සහභාගී විණි.

අතිගරු ජනාධිපතිතුමාගේ ප්‍රධානත්වයෙන් සමාරම්භක උත්සවය පවත්වන ලද අතර ඒ සඳහා සම්භාවනීය අමුත්තන් රැසක් සහභාගී විය. ජාතික හා අන්තර්ජාතික මට්ටමේ විද්යාඥයින්, තාක්ෂණවේදීන්, කර්මාන්තකරුවන්, විශ්ව විද්‍යාල සහ පාසැල් සිසුන් ඇතුලුව ආරාධිත අමුත්තන් 1500 ක් පමණ සහභාගි විය.

සංසදය සඳහා සහභාගී වූ මුළු සංඛ්‍යාව 650 කි. ඉන් 100 ක් පමණ විදේශයහි වෙසෙන විශිෂ්ට ගනයේ ශ්‍රී ලාංකීය විද්‍යාඥයින් ඇතුළු විදේශීය රටවලින් පැමිණි විදේශීය විද්‍යාඥයන් ඇතුළු  විය. එහිදී විද්‍යාඥයින්, රජයේ හා පෞද්ගලික අංශයේ තාක්ෂණවේදීන් සහ කර්මාන්තකරුවන්, නව නිපැයුම්කරුවන් සහ නවෝත්පාදකවරුන්, විශ්ව විද්‍යාල ශිෂ්‍යයන් සහ දේශීය පාසල්වල ඉහළ ශ්‍රේණියේ ශිෂ්‍යයන් ඇතුළත් විය.

පින්තූර:

ද්විපාර්ශ්වික සහ බහු පාර්ශ්වික ගිවිසුම් යටතේ අනෙකුත් රටවල් සමග ඇතිකරගනු ලබූ විද්‍යාත්මක හා තාක්ෂණික සහයෝගිතාවයන්

ඉන්දු ශ්‍රී ලංකා විද්‍යා හා තාක්ෂණ සහයෝගීතාව

2011 සැප්තැම්බර් මාසයේ දී අමාත්යාංශය විසින් ඉන්දියාව සහ ශ්‍රී ලංකාව අතර විද්‍යා හා තාක්ෂණ දෙපාර්තමේන්තුව සමඟ සහයෝගීතා වැඩසටහනක් ආරම්භ කරන ලදී. එහිදී දෙරටේ විද්‍යාඥයින් ඒකාබද්ධ පර්යේෂණ හා වැඩමුළු සඳහා සහභාගී කරවීමට කටයුතු කරන ලදී. නව පර්යේෂණ ව්‍යපෘති ආරම්භ කරන ලද අතර, 2016 වර්ෂයේ මැයි මස 11 වන දින මාධ්‍යවාර ප්‍රගති සමාලෝචන රැස්වීමක් පැවැත්විණි. රජයන් විසින් අරමුදල් ලබා ගන්නා ව්‍යපෘති 8ක් අතුරින් ව්‍යාපෘති 7ක් 2016 දී අවසන් කර ඇත. 2017 මැද භාගය දක්වා එක් ව්‍යපෘතියක් දීර්ඝ කරනු ලැබ ඇත.

ශ්‍රී ලංකා සමාජය උදෙසා විද්‍යාව, තාක්ෂණය සහ නවෝත්පාදන පිළිබඳ සමන්ත්‍රණය (ජාතික විද්‍යා පදනම සමග සහයෝගයෙන්)

අන්තර්ගතයක් නැත

විශ්වවිද්යාල සමඟ සහයෝගීතාව

FGS/ජයවර්ධනපුර විශ්වවිද්‍යාලය විසින් සංවිධානය කරන ලද බහු විෂයානුබද්ධ ප්‍රවේශයන් පිළිබඳ අන්තර්ජාතික සම්මන්ත්‍රණය සඳහා අරමුදල් සපයන ලදී.

ශ්‍රී ලංකා නවෝත්පාදන පුවරුව උදෙසා 2016 වසර සඳහා ස්වාභිමානී සම්මානය , COSTI වෙත පිරිනැමේ.

ශ්‍රී ලංකාවේ විද්‍යා තාක්ෂණය හා නවෝත්පාදන ක්ෂේත්‍රය පිළිඹඳ වත්මන් තොරතුරු සපයා දෙනු පිණිස , විද්‍යා,තාක්ෂණ හා නවෝත්පාදන සම්බන්දීකරණ ලේකම් කාර්යාලය (COSTI) විසින් ශ්‍රී ලංකා නවෝත්පාදන පුවරුව වැඩිදියුණු කරනු ලැබිණ. ICTA විසින් ප්‍රධානය කෙරෙන e-ස්වාභිමානී විවෘත දත්ත කාණ්ඩය සහ රාජ්‍ය කාණ්ඩය යටතේ සම්මාන හිමි කර ගැනීමට එය සමත්ව ඇත.

ජාතික විද්‍යා මධ්‍යස්ථානය

අන්තර්ගතයක් නැත

නවීන තාක්‍ෂණය පිළිබද ආතර් සී ක්ලාක් ආයතනය

• ස්වයංක්‍රීය ගිලන් ඇඳ නිර්මාණය Bio-Med International (Pvt.) Ltd වෙත
• ජාතික ජල සම්පාදන හා ජලාපවහන මණ්ඩලයට  ඩිජිටල් ප්‍රදර්ශන පුවරු නිර්මාණය
• ස්විච් පරික්ෂණ සඳහා Tumbling Barrel නිර්මාණය

• ආසියා සහ පැසිෆික් එක්සත් ජාතීන්ගේ ආර්ථික සමාජ කොමිසම (UNESCAP)-කලාපීය අභ්‍යවකාශ යෙදවුම් වැඩසටහන (RESAP)-  අභ්‍යාවකාශ විද්‍යා හා තාක්ෂණ අධ්‍යාපන මධ්‍යස්ථානය (CSTEAP), ආසියා - පැසිෆික් කලාපීය අභාවකාශ කාල නියෝජිතායතන සංසදය (ARES) අභාවකාශ විද්‍යා හා තාක්ෂණ ක්ෂේත්‍රයේ ස්වාභාවික හා සංස්කෘතික උරුමයන් සඳහා අභ්‍යාවකාශ තාක්ෂණය පිළිබඳ අන්තර්ජාතික මධ්‍යස්ථානය (APRSAF) යන ආයතන හා ඒකාබද්ධ ව කටයුතු කෙරේ.
• ශ්‍රී ලංකාවේ පළමු නිතිනි චන්ද්‍රිකාව සැලසුම් කිරීම හා නිෂ්පාදනය හා සම්බන්දයෙන්  තාක්ෂණික සහාය සඳහා ලොව සුප්‍රසිද්ධ විශ්ව විද්‍යාලයක් සමඟින් සම්බන්ධතා ආරම්භ කරන ලදී. ව්‍යපෘතියේ ආරම්භක වැඩමුළුව 2016 අගෝස්තු මාසයේදී රුසියාවේ සමාරා රාජ්‍ය අභ්‍යාවකාශ විශ්ව විද්‍යාලය සමඟ එක්ව පවත්වන ලදී.
• දුරස්ථ සංවේදන හා ඩිජිටල් පෘථිවි ආයතනය (RADI) සහ චීනයේ ස්වාභාවික හා සංස්කෘතික උරුමයන් සඳහා වන අභ්‍යවකාශ තාක්ෂණ ජාත්‍යන්තර මධ්‍යස්ථානයේ (HIST) චීන විද්වතුන් කණ්ඩායමකගේ සහය ඇතිව ACCIMT හි අතත්‍ය භුමි සේවාස්ථානයක් පිහිටුවන ලදි.

කාර්මීක තාක්ෂණ ආයතනය

• මාලඹේ ඖෂධීය ශාක හා ආහාර තාක්ෂණ අංශ සඳහා ඇති නවීන තාක්ෂණික පර්යේෂණාගාරයක්, නව පර්යේෂණ හා සංවර්ධන සංකීර්ණයක් ඉදිකිරීම (MRDC)
• කෘෂි රසායනික අපද්‍රව්‍ය සහිත කාර්මික අපජල පවිත්‍ර කිරීම සඳහා සූර්යාලෝක ප්‍රතිකාරක යන්ත්‍රය
• ගෘහස්තව සකස් කළ හැකි වකුගඩු කාන්දු පෙරීමේ ද්‍රවණයක් සකස් කිරීම

• නවීකරණය කරන ලද KASPER සහ පොල් රා සඳහා ප්‍රතිකාර ප්‍රෝටොකෝලය සංවර්ධනය කිරීම
• තිරිගු පිටි සදහා විකල්ප ලෙස ඉහළ ප්‍රතිරෝධී පිෂ්ඨය සහ ග්ලූටන් වලින් තොර කෙසෙල් පිටි හඳුනාගැනීම
• බඩ ඉරිඟු හා මඤ්ඤොක්කා ඇසුරෙන් ග්ලූකෝස් සිරප් සැකසුම් තාක්ෂණය
• පැසවීමට ලක් කල මෙනේරි හා කෙසෙල් ප්‍රභේදවලින් හුදෙකලා කොට හඳුනාගත් දේශීය ප්‍රිබයෝටිකලැක්ටික් අම්ල බැක්ටීරියා, ලැක්ටොබැසිලස් සහ පෙඩියෝකුකස් විශේෂ 8 ක් තාක්ෂණ හුවමාරුව සඳහා සූදානම් කොට ඇත.
• අඹ හා ගස්ලබු ගබඩා ආයු කාලය දීර්ඝ කිරීම සඳහා ජෛවී ඉටි සැකසීම.
• ආහාර සාම්පලවල රෝගකාරක බීජ හඳුනා ගැනීම සඳහා රෝග නිර්ණ පරීක්ෂණයක් ආරම්භ කිරීම.
• මානව දේහ තුළ ජලභීතිකා එන්නතට පසුව ලබාගන්නා රුධිර සාම්පලවල ප්‍රති ජලභීතිකා ප්‍රතිදේහ හඳුනාගැනීම සඳහා රෝග නීර්ණ කට්ටලයක් නිර්මාණය ආරම්භ කිරීම.

ශ්‍රී ලංකා ජාතික ඉංජිනේරු පර්යේෂණ හා සංවර්ධන මධ්‍යස්ථානය

• කිරි දෙවීමේ යන්ත්‍ර සංවර්ධනය කිරීම

ග්‍රාමීය ප්‍රදේශවල කිරි නිෂ්පාදන කර්මාන්තය ඵලදායීතාවය හා කාර්යක්ෂමතාව වැඩිදියුණු කිරීම සඳහා ග්‍රාමීය ප්‍රදේශ වල අතින් සිදු කරන ලද කිරි දෙවීමේ ක්‍රියාවලියට ආදේශක ලෙස අතින් සකස් කරන ලද කිරි දෙවීමේ යන්ත්‍රය සංවර්ධනය කර ඇත.

• පෙරැඳී කොන්ක්‍රීට් රැඳවුම් බිත්ති

සම්ප්‍රදායක රැඳවුම් බිත්ති පද්ධතිය වෙනුවට (සක්ක ගල් වලින් නිර්මිත සහ සවිගැන්වූ සිමෙන්ති කොන්ක්‍රීට්) වියදම හා වේලාව අඩු කිරීම පිණිස සාමාන්‍ය යෙදුම් සඳහා ශක්තිමත් කරන ලද බිත්ති ඉදි කිරීම සඳහා පෙරැඳි කොන්ක්‍රීට් තාක්ෂණය හඳුන්වා දී ඇත.

•  ආප්ප නිෂ්පාදන යන්ත්‍ර නිර්මාණය

ආප්ප යන්ත්‍රය  රුහුණු විශ්ව විද්‍යාලය හා NERDC එක්ව ඒකාබද්ධව සංවර්ධනය කර ඇත. ආප්ප යන්ත්‍රය  විශේෂ ලක්ෂණ වන්නේ ; නිමැවුම් - ආප්ප / පැයකට 350 ක ධාරිතාව හා 200ක ධාරිතාව ඇත. මේ මගින් නිපදවන එක් එක් ආප්පයේ ගුණාත්මක තත්ත්වයන් එක සමාන වේ.

• වාරිමාර්ග දෙපාර්තමේන්තුවේ ඉල්ලීම මත මේ වන විට NERDC විසින් මේ දක්වා අතින් සිදු කෙරෙන ජලාපවහන ඇල මාර්ගවල වල් පැලෑටි ඉවත් කිරීම සඳහා ජල වල් පැල නෙළීමේ යන්ත්‍රයක් වැඩිදියුණු කිරීම ආරම්භ කර ඇත. මේමගින්  ශ්‍රමය  පිරිවැය හා කාලය යන දෙකම අඩු කෙරෙනු ඇත.

මුලික අධ්‍යයන ආයතනය

• නව්‍ය, තට්ටු 3කින් සමන්විත TiO2 නිතිනි අංශු / නිතිනි තන්තු / නිතිනි අංශු සංයුක්ත ප්‍රකාශ අනොඩයක් නිර්මාණය කරන ලද අතර සූර්ය කෝෂ වල කාර්යක්ෂමතාව වැඩි දියුණු කිරීම සඳහා පරීක්ෂා කරන ලදී. 
• තිස්සමහාරාම ප්‍රදේශයේ මුං හා සාර්ථක ලෙස සිදුකෙරෙන රනිල බෝග අඹේවෙල ගොවිපොළේ සාර්ථක ලෙස සිදුකෙරෙන රනිල බෝග / ආදර්ශණ පරීක්ෂණ. රටකජු සහ සතිවාහාරරනිල බෝගයක් වන ඇල්ෆා-ඇල්ෆා සමඟ ක්ෂේත්‍ර පරීක්ෂණයන් සිදු කරයි.
• ශ්‍රී ලංකාවේ ස්වභාවික මිනිරන් පිරිසිදු කිරීම 99.99% දක්වා ඉහළ පිරිසිදු කිරීමක් සහ අතිශයින්ම පිරිසිදු ශ්‍රී ලාංකීය ස්වභාවික මිනිරන් වලින් ග්රැෆෙන් ඔක්සයිඩ් නිතිනි අමුද්‍රව්‍ය සාර්ථකව සාදා ඇත.
• ලිතියම් අයන බැටරි යෙදීම සඳහා ශ්‍රී ලාංකික මිනිරන් සඳහා මතුපිට වෙනස් කිරීමේ ශිල්පීය ක්‍රම හඳුන්වා දීම
• Mycobacterium tuberculosis සංකීර්ණයේ rpoB, inhA සහ katG අනුපිළිවෙල පිළිබඳව ශ්‍රී ලංකාවේ පේටන්ට් 17423 ලබාගෙන ඇත.
• ඇල්ෆා ඇමිලේස් ක්‍රියාකාරකම් විශ්ලේෂණය සඳහා නව ක්‍රවේදයක් නිර්මාණය කරන ලදී
• නාගරික ඝණ අපද්‍රව්‍ය අවම කර ගැනීම සඳහා ප්‍රතිකර්ම යොදනු වස් ජෛව විද්‍යාත්මකව ක්‍රමයක් ලෙස එම නාගරික අපද්‍රව්‍ය ඇසුරෙන්ම ජෛව අඟුරු නිපදවීම.
• කර්මාන්ත අතුරු ඵලයක් ලෙස ඇතිවන ජෛව අඟුරු සහ වෙනත් අඩු පිරිවැය ද්‍රව්‍ය භාවිතයෙන්  අපජල ජෛව පවිත්‍රකරණය ප්‍රතිවිරෝධී ආස‍්‍රැතිය බලාගාරයක් පිළිබඳව පර්යේෂණ කිරීම.
• අඩු වියදමකින් යුත් ගෘහස්ථ ජල පෙරහනක් නිර්මාණය කිරීම සඳහා කාර්යක්ෂමව ජලය පිරිපහදු කිරීම සඳහා දේශීය ඛනිජ  හා ආශ්‍රීත ද්‍රව්‍ය සංවර්ධනය කිරීම සඳහා නව උප පර්යේෂණ ව්‍යපෘතියක් ආරම්භ කරන ලදී.
• ඉතා සාරවත් පෝෂණීය කොම්පෝස්ට් සංවර්ධනය කිරීම සඳහා සරාභුමි ලංකා වැඩසටහන සමග අවබෝධතා ගිවිසුම, කාබනික ද්‍රව්‍ය සීග්‍ර දිරාපත් කිරීම සඳහා රසායනික නොවන පළිබෝධ සහ කෘමිනාශක පළිබෝධ නාශක දියුණු කිරීම.
• නිශ්චිත වායු අත්වැසුම් පෙට්ටියක් සහ අනෙකුත් බැටරි පරීක්ෂණ උපකරණ ලබා ගැනීමෙන් විද්‍යාගාර බැටරි පරීක්ෂණ පහසුකම් වැඩිදියුණු කිරීම සඳහා පර්යේෂණ කිරීම.

ජාතික පර්යේෂණ සභාව

• ඉලක්ක මත පදනම් වූ බහුවිශයානුබද්ධ පර්යේෂණ ප්‍රදානයන්: TO

2016 වර්ෂය සඳහා පර්යේෂණ ප්‍රදාන, ජලයේ  ගුණාත්මකභාවය, සෞඛ්‍යය සම්පන්න ආහාර, පුනර්ජනනීය බලශක්ති ජෛව වෛද්‍ය ඉංජිනේරු, තේ කර්මාන්තය තරඟකාරි කර ගැනීම ආදී අංශ 13 ක් යටතේ සිදු කරන ලදී. බහුවාහක ඩෙංගු මදුරු පාලනය, නිදන්ගත වකුගඩු රෝග වළක්වා ගැනීම, දේශගුණික තත්වයනට ගැලපෙන තාක්ෂණික ක්‍රමවේදයන් නිර්මාණය කිරීම, කිරි නිෂ්පාදනය පිළිබඳ ස්වයංපෝෂිතභාවය වර්ධනය කිරීම යන ව්‍යාපෘති පිළිඹඳ ප්‍රගති සමලොචනයන් සිදු කරන ලදී.

• රාජ්‍ය පෞද්ගලික සහයෝගීතා  වැඩසටහන(PPP)

ශ්‍රී ලංකාවේ පලතුරු මැසි උවදුර කළමනාකරණය කිරීම සඳහා PPP ව්‍යාපෘතියේ පළමු නිෂ්පාදනය වූ Synthesized Pheromone Trap සාර්ථකව දියත් කරන ලදී. මෙම ව්‍යාපෘතියේ හවුල්කරුවන් වන්නේ කාර්මික තාක්ෂණ ආයතනය සහ සීඅයිසී හෝල්ඩින්ස් පීඑල්සී වේ.

දෙවන නිෂ්පාදිතය දේශීය වශයෙන් සංවර්ධනය කරන ලද නාසික ඉසිනයේ(Nasal Spary) වානිජකරණයට පෙර අවසාන පරීක්ෂණ ක්‍රියාවලියට ලක් කරනු ලැබ ඇති අතර මෙම ව්‍යාපෘතියේ හවුල්කරුවන් වනුයේ වෛද්‍ය විද්‍යා පීඨය, ශ්‍රී ජයවර්ධනපුර විශ්ව විද්‍යාලය සහ ලීනා නිෂ්පාදන පුද්ගලික සමාගමයි.

• අන්වේෂක මත පදනම් වූ පර්යේෂණ ප්‍රදාන වැඩසටහන

පර්යේෂණ ප්‍රදාන 36 ක් සඳහා අරමුදල් සපයන ලදී.

• විද්‍යාත්මක ප්‍රකාශන සඳහා ජනාධිපති සම්මාන : PASP  

ජනාධිපතිතුමන්ගේ ප්‍රධානත්වයෙන් 2015 නොවැම්බර් මසදී පවත්වන ලද 2013 වර්ෂය සඳහා වූ විද්‍යාත්මක ප්‍රකාශන සඳහා ජනාධිපති සම්මාන උළලේදී වෛද්‍ය විද්‍යා, දන්ත වෛද්‍ය විද්‍යාව, කෘෂිකාර්මික විද්‍යාව සහ ඉංජිනේරු ආදී ක්ෂේත්‍රවල විශිෂ්ටයින් සඳහා සහතිකපත්‍ර 211 ක් ලබා දෙන ලදී.

ජාතික විද්‍යා පදනම

• තරඟකාරී පර්යේෂණ ප්‍රදාන

පර්යේෂකයන් වැඩි පිරිසකට සහයෝගය දැක්වීම සඳහා, 2016 දී තරඟකාරී පර්යේෂණ ප්‍රදාන ක්‍රමය යටතේ එහි පළමු වටයේදී ප්‍රදාන 23ක් පිරිනමා ඇත. දර්ශනපති උපාදී 7ක් සහ ආචාර්ය උපාදි 2ක් ඇතුළුව ප්‍රදානය කිරීම්  14ක් සම්පුර්ණ කරනු ලැබ ඇත

• පශ්චාත් උපාධි පර්යේෂණ ශිෂ්‍යත්ව

පහත පරිදි ශිෂ්‍යත්ව පිරිනමා ඇත  - දර්ශනපති උපාධි 7 සහ ආචාර්ය උපාධි 3, දර්ශනපති උපාධි 3ක් සම්පුර්ණ කරනු ලැබ ඇත.

• ජාතික විද්‍යා පදනමෙහි පර්යේෂණ සමුළුව 2016

"පර්යේෂණ සමුළුව; පර්යේෂණ හා නවෝත්පාදනය මගින් සවිබල ගැන්වූ” යන තේමාව යටතේ ජුලි මසදී ,කොළඹ බණ්ඩාරනායක අනුස්මරණ සම්මන්ත්‍රණ ශාලාවේදී පැවති සම්මන්ත්රණය, අත්දැකීම් හුවමාරු කර ගැනීම, හුවමාරු කරගත් ක්ෂේත්‍රවල මෑත කාලීන දියුණුව හා වාණිජමය අවස්ථා සොයා බැලීම සඳහා පොදු වේදිකාවක් සපයන ලදී.

• NSF සම්මාන

NSF සම්මාන ප්‍රදානෝත්සවය 2015 නොවැම්බර් මස බණ්ඩාරනායක ජාත්‍යන්තර සම්මන්ත්‍රණ ශාලාවේදී පවත්වන ලදී. NSF පර්යේෂණ සම්මානය, SUSRED සම්මාන ප්‍රදාන අධීක්ෂණය සඳහා නව ආධාර යෝජනා ක්‍රම TWAS / NSF යෞවන විද්‍යාඥ සම්මාන 6 ක්, තාක්ෂණ සම්මාන 6 ක් හා එක් ප්‍රසාද සහතිකයක් ඉදිරිපත් කරන ලදී.

NSF සම්මාන දිනුවන් 2015

• විද්‍යා හා තාක්ෂණ ජයග්‍රහණ සඳහා ජාතික සම්මාන (NASTA සම්මාන)

විද්‍යා හා තාක්ෂණ  භාවිතය තුළින් සමාජ-ආර්ථික සංවර්ධනය සඳහා කැපී පෙනෙන දායකත්වයක් ලබා දුන් කැපී පෙනෙන විද්‍යාඥයන්, පර්යේෂකයින්, ඉංජිනේරුවන් සහ තාක්ෂණවේදීන්ට NASTA පර්යේෂණ ප්‍රදාන පිරිනැමීමේ යෝජනා ක්‍රමය.

• ජාතික තේමා ගත පර්යේෂණ වැඩසටහන (NTRP)

කෘෂිකාර්මික කටයුතු සඳහා ජාතික මෘදුකාංගයක් ලෙස භාවිතා කිරීම සඳහා කෘෂිකර්ම අමාත්‍යාංශය විසින් NTRP ප්‍රතිපාදන මගින් සංවර්ධනය කරන ලද වෙබ් පාදක අස්වනු අනාවැකි පද්ධතියක් කෘෂිකර්ම අමාත්‍යංශය විසින් යොදාගනු ලැබ ඇත.

• නව තාක්ෂණය මත පදනම්ව තාක්ෂණ සංවර්ධනය, හුවමාරුව සහ ආරම්භක ව්‍යාපාර සඳහා වේදිකාවක් නිර්මාණය කිරීම

වැඩිදුර සංවර්ධනය කිරීම / වාණිජකරණය සඳහා ආයෝජකයින් / තාක්ෂනික වෘත්තිකයින් සමඟ හවුල්කාරිත්වයන් ඇති කර ගනු පිණිස පහතින් දක්වා ඇති තාක්ෂණික ක්‍රමවේදයන් හය සංවර්ධනය කර ඇත.

1. ඉලෙක්ට්‍රොනික නිෂ්පාදන කර්මාන්තය සදහා  ස්වයංකීය දෘෂ්ටි නිරීක්ෂණ සහිත පෑස්සුම් රොබෝ තාක්ෂණය.
2. ආනයනික ආදේශකයක් ලෙස මුත්‍රා ග්ලූකෝස් තීරු සංවර්ධනය කිරීම
3. නියාමක මට්ටමේ වාත්තු යන්ත්‍රය- වියළි රබර් විවෘත සෛල නිෂ්පාදනය අඛණ්ඩව නිෂ්පාදනයට
4. COP සයුර: ත්‍රීමාන වෙරළ අවේක්ෂණ පද්ධතිය
5. ස්වභාවික රබර් විවිධ වර්ගවල වියළීම සඳහා කාර්යක්ෂම තනි වියළුමක්
6. එක් ගණිත පුවරුවක සියල්ල

ජාතික විද්‍යා හා තාක්ෂණ කොමිෂන් සභාව

• 2016 ජනවාරි මාසයේ පැවැත්වූ 4 වන තරුණ විද්‍යාඥ සංසදයේ (YSF) පර්යේෂණ සමුළුව තරුණ විද්‍යාඥයින්ට ඔවුන්ගේ පර්යේෂණ කටයුතු විද්‍යාත්මක ප්‍රජාවට ඉදිරිපත් කිරීමට අවස්ථාව ලබා දීම. මෙම සම්මන්ත්‍රණයේ දී පර්යේෂණ පත්‍රිකා 65 ක් ඉදිරිපත් කරන ලද අතර සම්මන්ත්‍රණය අතරතුරදී ප්‍රකාශයට පත්කෙරිණි. මෙම සම්මන්ත්‍රණයට ආසන්න වශයෙන් විද්‍යාඥයන් 80 ක් පමණ සහභාගී වූහ.

A section of the participants

Receiving Merit Certificates

•  ශ්‍රී ලංකා පර්යේෂණ හා සංවර්ධන ජාතික රාමුව ලෙස ජාතික පර්යේෂණ හා සංවර්ධන රාමුව (NRDF) අමාත්‍යමණ්ඩලය විසින් අනුමත කර ඇති අතර එය 2016 මැයි මාසයේ දී අතිගරු ජනාධිපතිතුමා වෙත ඉදිරිපත් කරන ලදී.

අනුකුලතා තක්සේරු පිළිබඳ ශ්‍රී ලංකා ප්‍රතීතන මණ්ඩල

• SLAB පහත දැක්වෙන අන්තර්ජාතික සංවිධානවල සාමාජිකයෙකු වන අතර හවුල්කරුවෙකුද බවට පත්ව ඇත. 4 වන තීරුව 2016 අගෝස්තු මස සිට 2015 අගෝස්තු මස දක්වා ලබාගෙන ඇති අන්තර්ජාතික පිළිගැනීම් පිළිබඳ තොරතුරු සපයයි. සැප්තැම්බර් මසදී පවත්වනු ලැබූ ජාත්‍යන්තර සහ කලාපීය ඇගයීමෙන් පසු සිය APLAC සහ PAC සාමාජිකත්වය අඛණ්ඩව පවත්වාගැනීමට SLAB ආයතනය සමත්ව ඇත.
• GHG සකොක්ෂණ සහ  සහතික කිරීම ප්‍රතීතනය  ආරම්භ කරන ලද අතර සහතිකකරණ දෙකක් සඳහා ප්‍රතීතනය ලබා දෙන ලදී.
• 2016 ජූනි මස සිට ශ්‍රී ලංකා පරිපාලන සේවය මගින් PAC MLA හි සාමාජිකත්වය ලබා ඇත.
• යහපත් රසායනාගාර ක්‍රියා පිළිවෙත (GLP) සඳහා නව ප්රතීතන වැඩපිළිවෙළක් ආරම්භ කිරීම සහ ප්රමිතිකරණ නිර්ණායකයන් වර්ධනය කරන ලදී.

ශ්‍රී ලංකා නව නිපැයුම් කරුවන්ගේ කොමිසම

• 2013 සහ 2014 වර්ෂවල දී පේටන්ට් බලපත්‍ර ලාභීන්ට සහ ජනාධිපති සම්මාන ප්‍රධානය 2016 පෙබරවාරි මාසයේදී අතිගරු ජනාධිපතිතුමන්ගේ ප්‍රධානත්වයෙන් පවත්වන ලදී. ක්ෂේත්‍ර 11 ක් යටතේ නව නිපැයුම් 29 ක් සඳහා සම්මාන 31 ක් ලබා දී ඇත.

President’s Award ceremony

• 2016 අප්‍රේල් මාසයේදී ජිනීවා හි ජාත්‍යන්තර නව නිපැයුම් ප්‍රදර්ශනය සඳහා නිර්මාණ ඉදිරිපත් කල ශ්‍රී ලාංකික නව නිපැයුම්කරුවන් හත් දෙනෙක් රන් පදක්කම් දෙකක්, රිදී පදක්කම් 3 ක් හා ලෝකඩ පදක්කම් තුනක් දිනා ගත්හ.
• '' Innova Minds 2016 '' රූපවාහිනී රියැලිටි වැඩසටහනේ අවසාන වටයට තේරී පත් වූ ශිෂ්‍යයන් සිව්දෙනා කොරියා ජාත්‍යන්තර යෞවන ඔලිම්පියාඩ් හි (KIYO) ජයග්‍රහණය කරමින් රිදී සම්මානයෙන් පිදුම් ලැබීය.
• "Innova Minds 2016" අවසන් වටයට තේරී පත්වූ ශිෂ්‍යයන් සිව් දෙනෙක් 2016 සැප්තැම්බරයේ පවත්වන ලද ඉන්දුනීසියානු අන්තර්ජාතික තරුණ නව නිපැයුම්කරුවන්ගේ සම්මානය සඳහා නම් කරන ලදී.

Participation at international exhibitions

• අමාත්‍ය මණ්ඩලයේ අනුමැතිය ඇතිව ශ්‍රී ලංකා නව නිපැයුම් කරුවන්ගේ කොමිසම විසින් ශ්‍රී ලංකා ජාතික විශිෂ්ට ඉංජිනේරු නිපැයුම්කරුවෙකු වන ආචාර්ය ඒ.එන්. එස්. කුලසිංහ මහතාගේ උපන්දිනය වූ  ඔක්තෝබර් 26 වනදා ජාතික නිපැයුම්කරුවන්ගේ දිනය ලෙස ප්‍රකාශයට පත් කරන ලද අතර ඒ මහතා ශ්‍රී ලංකා නව නිපැයුම්කරුගේ කොමිසමේ ප්‍රථම කොමසාරිස්වරයාද වේ.
• අමාත්‍ය මණ්ඩලයේ අනුමැතියෙන් නව නිපැයුම්කරුවන් සඳහා හැඳුනුම්පතක් නිකුත් කිරීම ආරම්භ කරන ලදී.
• විවෘත, විශ්වවිද්‍යාල, වෘතීය අධ්‍යාපන ආයතන, වාණිජ්‍ය නවනිපැයුම් සහ පාසැල් යන ප්‍රධාන කාණ්ඩ 4ක් යටතේ පළාත් හා ජාතික මට්ටමින් තෝරාගනු ලැබූ නව නිපැයුම් ඇතුළත් කරමින්  2016 සැප්තැම්බර් මසදී “සහසක් නිමැවුම් 2016” පැවැත්විණි. විවෘත කාණ්ඩය යටතේ විශ්ව විද්‍යාල 89 ක්, විශ්වවිද්‍යාල හා තෘතීය අධ්‍යපන ආයතන 15 ක්, වාණිජ නිපැයුම් 2 ක් සහ පාසල් කාණ්ඩයේ නව නිපැයුම් 199 ක් ප්‍රදර්ශනය කරන ලදී.

සහසක් නිමැවුම් 2016

• 2016 පෙබරවාරි මාසයේ සිට 2016 මැයි මාසය දක්වා ජාතික රූපවාහිනියෙන් විකාශනය වූ " The Innova Mind " රියලිටි රූපවාහිනී වැඩසටහන යෞවන පරපුර අතර ජනප්‍රිය වූ අතර ඉලෙක්ට්‍රොනික මාධ්‍ය භාවිතයෙන් නව නිපැයුම් ප්‍රචලිත කිරීම එහි අරමුණවේ. දිවයින පුරා විසිරී සිටින නවනිපයුම්කරුව්න් වෙතින් ලද  අයදුම්පත් 76ක්  අතරින් තෝරාගත් සිසුන් 21 දෙනෙකුගේ සහභාගිත්වයෙන් මෙම වැඩසටහන පැවැත්විණි.

" The Innova Mind " රියලිටි රූපවාහිනී වැඩසටහන

ශ්‍රී ලංකා ප්‍රමිති ආයතනය

ශ්‍රී ලංකා නිනිති තාක්ෂණ පර්යේෂණ ආයතන (පුද්)සමාගම (SLINTEC)

පවත්වනු ලැබූ ක්‍රමෝපායික පර්යේෂණ ව්‍යාපෘති

• ටයිටේනියම් පිළිබඳ පර්යේෂණ

මෙම ව්‍යාපෘතිය යටතේ ඉල්මනයිට් සිට ටයිටේනියම් නිස්සාරණයට නව නිස්සාරණ ක්‍රමයක් යොදා ගැනේ. 2017 දී SLINTEC බලාගාරයක් වැඩිදියුණු කිරීමට සැලසුම් කරයි.

• තෝරියම් පිළිබඳ පර්යේෂණ

මෙම ව්‍යාපෘතිය මොනෝසයිට් වැලි වලින් තෝරියම් හා විරල පාංශු ඔක්සයිඩ් නිස්සාරණය කිරීම පිණිස වේ. SLINTEC විසින් විද්‍යාගාර පරිමාණයේ ක්‍රියාවලියක් වැඩිදියුණු කර ඇති අතර ඊළඟ අදියර වනුයේ පරිමාණය වැඩි කිරීමයි.

• කෘත්‍රිම රසායන විද්‍යාව පිළිබඳ පර්යේෂණ

SLINTEC විසින් මෙම වසර තුළ GLP සහතිකය සඳහා ඉල්ලුම් කර ඇති අතර, ක්‍රියාකාරී ඖෂධ ද්‍රව්‍ය නිෂ්පාදනය කිරීමේ හැකියාවද වැඩිදියුණු කිරීම පිලිබඳ කටයුතු කෙරේ.

• කාබන් නිතිනි කෙඳි පිළිබඳ පර්යේෂණ.

බොහෝ කර්මාන්ත වල ශක්තිමත් උසස් අමු ද්‍රව්‍යයක් ලෙස යොදා ගන්නා කාබන් නිතිනි තල (CNT) නූල් සංවර්ධනය කිරීම මෙම ව්‍යාපෘතියේ අරමුණ වේ.

• මිනිරන් පිළිබඳ පර්යේෂණ

මෙම ව්‍යාපෘතිය ශ්‍රී ලංකාවේ මිනිරන් ඇසුරෙන් ග්‍රෆීන්  ඔක්සයිඩ් සහ ග්‍රෆීන් උත්පාදනය කිරීම සඳහා පර්යේෂණ සිදු කරයි.

2016 සැප්තැම්බර් මසදී SLINTEC හි තාක්ෂණික බීපෞෂණ මධ්‍යස්ථානයේ(TIC)  මෙහෙයුම් ආරම්භ කරනු ලැබූ අතර සිය පර්යේෂණ විද්‍යාගාරයන් සඳහා TIC ඉඩකඩ ලබාගැනීම පිණිස දෙපිරිසක් දැනටමත් ගිවිසුම් අත්සන් කර ඇති අතර එක් අයකු දැනටමත් තම පර්යේෂණාගාරය TIC තුළ ස්ථාපිත කර ඇත. නව අනාගත ගනුදෙනුකරුවන් සමඟ සාකච්ඡා පැවැත්වෙමින් පවතී.

2016 දී SLINTEC විසින් යුනාන් ග්‍රාමීය විද්‍යා හා තාක්ෂණ පැවරුම් සේවා මධ්‍යස්ථානය සමඟ ඇතිකරගත් සහයෝගීතාවය යටතේ අතිනවීන හරිතාගාර ගොඩනැගිල්ල ඉදිකිරීම් කටයුතු ආරම්භ කරන ලදී. හරිතාගාරය තුල සූර්යාලෝකය පැනල සවි කරනු ලබන අතර ශාක වර්ධනය සඳහා නව තාක්ෂණයන් ලෙස වායු වගා හා දිය වගා ක්‍රම භාවිතා කරනු ඇත.

2016 දී SLINTEC ජාත්‍යන්තර ඇමෙරිකානු පේටන්ට් බලපත්ර 4 ක් ගොනු කලේය. මීට අමතරව ජාත්‍යන්තර පිළිගත් සඟරාවල 12 ක් ප්‍රකාශයට පත් කර ඇත. 2016 දී ස්ලින්ටෙක් (SLINTEC) මගින් ෆෝබ්ස් ඒෂියා සඟරාවේ ද පර්යේෂණ ප්‍රකාශයට පත් කර ඇත.